يجيك الليل وتشتغل عليك العطلات

طبعاً هذا الحجي يوميه يتكرر ومادري شنو الحل اله ,,

اول شي يعبر الوقت بعد الـ 2 ليلا واكيد منو يضل گاعد لهذا الوقت ؟ بس العطـل ,
المهم عبرت الساعه 2 ,
وتشتــغل العطلات ,

لو تلكاه فارغ ماعنده شي وضال يتصفن , ويذكر گدام الحاسبه , ويعوف العالم كلها ( هاي اذا مو بس انته بل ماسنجر مالته اون لاين ) ويجي عليك ,
زين شلون يبين عطل ,
اول ما يكلك
الله يساعدك
ادري تشفني لازم كرك وجاي احفر ؟
عوف هاي شوف الاضرب ,
ها ؟
يعني يكتبلك ها وياها علامة استفاهم ,, زين هسه اني لا داخل عليك لا واصل يمك , ها شنو ,,
نشوف الي بعدها ,,
انته عندك شغله او جاي تسمع اغنيه , ومريح بالك , وما تحس بس الباز يجيك
BUZZ!!!
ويخليك تنسه الاول والتالي ,,
زين مثلاً انته كاتب يم ايميلك مشغول ( Busy ) ما يفتهما حضرته يدخل بالمباشر
هذني كمقدمات , ومرات ينزل عليك بيهن كلهن وهذا حامي حيل ومعلك دماغه فول ,
زين تعال شكو شرايد ؟
لو ضايج ؟
لو مقهور ؟
لو تعبان ؟

زين ليش يابه ضايج ,
والله اذكرت بنيه جنت احبها ,
زين اني شنو مكاني من الاعرب , يريد يطلع الي بگلبه ويطيح بعينك ويضل يسولف سوالف تعبانه مثله ,
ويسويها الك قصه مال روميو وجوليت , اني طبعاً اروح اكمل شغلي وارجعله كل ربع ساعه وهو يلغث , واكله
اي ؟
والاستاذ فرد جره , ومايسكت ,
واذا كمله بس تكله اي حجايه مال عطف او شي , يگوم يبجي ويفقد اعصابه ويزيد بل زايد انوب ,

شغله اخرى , تعرفه عطل اكثر ,,
لمن يكتب هيج يكتب ,
اي
ومادري
شصار
بس
هو
كال
علي
واني
سكتت

يعني مايكمل جملتين سوه ,, حجيه كله تگمز , حته اذا اتفكر ويا تنكطع سلسلة افكارك , لان يدوخك ,

لو يجي علمود والله اريد منك برنامج , زين انته عندك الگوگل ليش ماتدور بأيدك , ها مابيه حيل , زين مابيك حيل تجي عليه ,

يعني ماترهم كل چاره الهم ,
اذا يريد يحمظ يحمظ لو مدري شتسويله
بس مرات اكو كم حل !
زين الحلول , شنو ؟
اما تسكت وتلبسه
او تكله برب بوجهه
او تدخل انفزبل ,
بس هم مايفيد , هم يرجع , وكأنه ما صار شي ,



منقوووول

عاشت ايدج عراقية



الموضوع رو ووووووووووعة

الموضوع روعه


عاشت ايدج


يسلمووووو

عاااااااااااااااااااااشت ايدج عراقيه

يسلمووووووووووووووووووا

موضوع اكثر من رائع

تحياتي