--------------------------------------------------------------------------------
شلون رتبها مادري
وحد ينتظر ابوه يرجع من السفر
فا اجه ابوه ونزل من السياره وجان ينتظره بكراج النهضه
هلو بابا وباسه
ابوه شلونكم شلون الاحوال
شصار بغيابي
كله كلشي تمام
بس .... جان يسكت الابن
جان ابوه يكله كمل شنو ؟؟
جان يكله اليده مال جاكوج نكسرت
ابوه كله وشنو يعني فدوه
كاله مو اخويه الصغير شمرها على الكلب ومات الكلب
ونكسرت اليده مال جاكوج
كاله ابوه وليش اخوك شمر الجاكوج على الكلب
كاله مو الكلب جان يركض ورا الهوايش ( البقر )
لان نهزمت الهوايش
واخويه شمر الجاكوج على الكلب ونكسرت اليده مال
جاكوج
كاله وليش نهزمت الهوايش ؟؟
كاله مو المزرعه احتركت
ونهزمت الهوايش والكلب ركض وراهن
واخويه شمر الجاكوج على الكلب
ونكسرت اليده مال جاكوج
كاله وشلون احتركت المزرعه ؟
كاله مو البيت احترك
والمزرعه اخذت من البيت والهوايش نهزمت
والكلب ركض وراهم
واخويه شمر الجاكوج على الكلب ومات الكلب
ونكسرت اليده مال جاكوج
الاب كاله ليش شلون احترك البيت ؟؟!
كاله مو اخويه جان يدخن
فوكعت الجكاره واحترك البيت
الاب صار عصبي كلش
كاله ليش اخوك جماله يدخن
الابن كاله تريد الصدك ؟
من ماتت امي البيت صار فلته
الأحد يوليو 12, 2009 1:55 am
