دنووش
عضو مجتهد
  عدد المساهمات : 717
تاريخ الميلاد : 24/07/1990
تاريخ التسجيل : 02/01/2010
العمر : 34
الموقع : بل مريخ شارع ابو نواس فرع 201 باب لونه احمر على ايدك اليسرة
العمل/الترفيه : طالبة كلية طب الاسنان
المزاج : متقلب
 | موضوع: تحشيش الجوازات  الجمعة أبريل 23, 2010 1:15 am | |
| مرة واحد باالجوازات كالي
امك حية كتلة ﻻ سحلية
هو كال ﻻ يعني هي عايشة كتلة ﻻ خديجة
هو كال ﻻ قصدي هي طيبة كتلة ﻻ مرة
هو كال اههههههههههو لك يعني هي موجودة اب هاي الدنية اني كتلة ﻻ يم القمر
هو كال لك نعلة على اهلك افتهم قصدي يعني هي صعدت فوق اني كتلة ﻻ نزلت
جو بالسرداب
هو كال والله نشفت ريكي كال روح جيبلي مي
كتلة مي حار بارد ؟؟ كال اي شي
كتلة مي تشرب لو تسبح ؟؟؟
كال بشرفك مكان بالجوازات اسبح ؟؟ كال جيب اشرب
كتلة طاسة كلاس ؟؟؟
كال كلاس
كتلة ستيل لو نايلون ؟؟
كال نايلون
كتلة موعاد لو اصلي
هو كال لك والله كتلتني ثبحتني موتتني صعد الضغط انجطل
ردت افلت اجة المدير مال الجوازات
كال هاي سسويت ؟؟؟ كتلة سيدي كالي سؤال واحد معرفت اجاوب مات
هو كال اركض روح جيب سيارة
كتلة تكسي لو خصوصي ؟؟؟
كال خصوصي
كتلة كرونا لو تيوتا لو برازيلي ؟؟؟
كال كرونا
كتلة دبل قمارة لو صالون ؟؟؟
كال يمعود اي شي بس اريد اخذة للمستشفى
كتلة يا مستشفى يرموك لو الكرامة ؟؟؟
كال اليرموك
كتلة اب ياقسم جراحة , باطنية, كسور, وﻻدة, بااﻻنعاش ؟؟؟؟؟؟
كال لك بشرفك وﻻدة اني عندي مريض وين اودي و كال كتلتني موتتني صعد الضغط انجطل
ردت افلت اجتي الشرطة كالت هاي شنو كتلة سيدي والله مو اني
هو كال ﻻ تحجي اي شي راح اموتك باالسجن
كتلة يا سجن ؟؟ ابو غريب لو الحارثية ؟؟
كال اب ابو غريب
كتلة ثكيلة خفيفة ؟؟
كال ﻻ ثكيلة
كتلة شنق لو بالرصاص لو باالكهرباء ؟؟
كال ﻻ شنق
كتلة شنق سيم حبل لو خيط؟؟
كال ﻻ بالسيم
كتلة سيم رفيع لو عريظ ؟؟
كال اكتلك بالرصاص
كتلة رصاص لو جاف
كال اكتلك بالكهرباء
كتلة وطنية لو مولدة ؟؟
كال وطنية
كتلة وطنية جغرافية لو تاريخ
هو كال لك نعلة على كتلتني موتتني هو شال المسدس كتل نفسة
زين اني ردت افلت جان تجي دوريةاﻻمريكان جان ينزل الضابط
كال What is this كتلة انجب ولي اتبسز
هو مفتهمني كال What is that كتلة السايق مات
كال ﻻ سايق و ﻻ ركي
كتلة مو ركي بطبخ و كتلة تحجي عربي ؟؟
كال احجي عربي
كتلة مكسر لو زين
كال ﻻ مكسر
اني كمت اخربط كتلة اخضر لو اسود هو اني قصدي زيتون كمت انصب على اﻻمريكي شفتة دبنك شنسوي
كال اسود
كتلة مي و ملح لو خل
كال خل
كتلة خل عنب لو تفاح ؟؟؟
كال يا عنب يا تفاح اني كتلك مكسر بالعربي
كتلة ها عبالي مفطور
هو خطية شال الرشاشة رمة نفسة
ردت افلت جان منو يجو ؟؟؟ مااعرف ﻻن فلتت
هاي يعني لو باقي جان جم واحد اكتل ؟؟
| |
|
❤ *@R@qI & @N@* ❤
عضو مجتهد
  عدد المساهمات : 3632
تاريخ الميلاد : 04/01/1991
تاريخ التسجيل : 11/01/2010
العمر : 33
العمل/الترفيه : طالب
المزاج : عادي
| | موضوع: رد: تحشيش الجوازات الجمعة أبريل 23, 2010 1:20 am | |
| ههههههههههههههههههههههههههههههههههههههههههههههه
عاااااااااااشت ايدج دنوش على النكات الحلوه
دومج مبدعه | |
|
دنووش
عضو مجتهد
عدد المساهمات : 717
تاريخ الميلاد : 24/07/1990
تاريخ التسجيل : 02/01/2010
العمر : 34
الموقع : بل مريخ شارع ابو نواس فرع 201 باب لونه احمر على ايدك اليسرة
العمل/الترفيه : طالبة كلية طب الاسنان
المزاج : متقلب
| | موضوع: رد: تحشيش الجوازات الجمعة أبريل 23, 2010 1:23 am | |
| | |
|
حب بلا نهاية
عضو مجتهد
 عدد المساهمات : 2108
تاريخ الميلاد : 03/06/1992
تاريخ التسجيل : 18/03/2010
العمر : 32
الموقع : www.jabal-alqosh.yoo7.com
العمل/الترفيه : معهد حاسبات
المزاج : عطلجي بطلجي جكرجي عركجي تحشيشجي
| | موضوع: رد: تحشيش الجوازات السبت أبريل 24, 2010 1:20 am | |
| هههههههههههه عاشت ايدج ع موضوع
تحياتي | |
|
