اول شي احب اكول انو اني اضوج من الدولما بسبب والدتي لان اذا كل يوم
ايكلولهاسوي دولما ما اتكول لا يعني 24 ساعة دولما ما تتعب وطبعا هسا
هية خبيرة بالدولما وبما انو والدتي خبيرة وكل يوم دولما طبعا ابن
البط شيطلع اكيد طيار ههههه ... واني راح اشرحلكم شون اتسون الدولما
لان شكد ما مليت اتعلمت
اول شي حباب اتجيب كلاصين تمن ايكون منضف ومغسول وجاهز وبعدين اتجيب
لحم وتثرمة ....
وتجيب طماطة وتثرمها وتجيب شوية ثوم وهم ثرم يومك اسود بالثرم هههههه
وبعدين تخبط كل الشغلات الي ذكرتهم الك وضيف فوكاهم شوية معجون وملح
وبهارات او فلفل اسود مية ههههه واخبطها زين
ورة ما تخطبها حباب اكيد ايكون عندك ما يلي
1. ورق عنب اخضر تازة
2. بيتنجان محفور
3. بصل مفتوح على شكل طوابق
4. فلفل مفتوح من يم الجعب مالتة
5. اذا اتحب شجر جيب هم محفور
هاي الشغلات الاساسية بس اذا اتحب اتفيك اتجيب
6. لهانة
7. بتيتا محفورة
8. سلك
9. خيار محفور
بس ما انصح اتفيك حباب ابهاي مرحلتك من توصل مرحلة بعدين
زين بعد ما جبنة المواد راح انجيب الخبطة ونبدي انلف وكل وحدة شكل
مثلا الورق شكل وبعدين انحشي اي شي محفور ونلف اي شي على شكل ورق
او طوابق
و ورة ما انكمل راح انصفط الي لفينا بالجدرية وشنو افضل اتكون الجعب
ورق عنب
لان اني يعجبني جعب الجدر ورق عنب ومحروووك ههههههه
ورة ما خلصنة نكون احنة محمين مي حار نگلب شوية فوكاها حسب الي انت
اتريدة ...
اتكون مايات او ناشفة حسب وبعدين اتحط ليمندوزي فوكاها من اتحط مي علمود ...أتصير حامضة ....
وبعدين خليها عل نار واطبخ وأكل واتذكرني ابجعب الجدر هههه الف عافية
تعبت بالكتابة
اتمنى ان تستفادون من هل شرح الطويل
الخميس يوليو 30, 2009 4:25 pm
